Shillong, Nailar 29: Ka Tnad ka koit ka khiah jong ka jylla kala pynmih ia ka jingbthah hadien ba ka World Health Organisation (WHO) kala pynbna ia ka jingsaphriang jongka jingpang Monkey Pox kum ka Public Health Emergency of International Concern (PHEIC).
Ka tnad ka koit ka khiah kala pynmih ia ka jingbthah ba kino kino kiba leit jingleit ha kine ki 21 sngi kiba la dep sha ka ri ka ba la don ne suba don ka Monkey Pox bad ki ioh ia ki dak ki shin jong ka jingshitmet, ka jingtlot bad ka jingdait ka bym lah ban batai, ki lah ban pyntip ha u 14410 ne ha u 108.
Kane kan ailad ia ka tnad ka koit ka khiah ban lah ban ai jingbatai bad ban pynthikna ban ioh iaka jingsumar kaba thikna.
Haduh ka 18 tarik u Nailar 2024, kala don ka jingioh ia ka jngpang MonkeyPox ha kylleng ki ri kiba kynthup ia ka Africa: South Africa, Kenya, Rwanda, Uganda, Democratic Republic of Congo, Burundi, Central African Republic, Congo Brazaville, Caameroon, Nigeria, Ivory Coast, Liberia. Middle East: UAE.
Ha India, ka jingjia kaba la ioh khatduh ia ka Monkey Pox ka dei ha ka Kerela ha u bnai Lber 2024, ha kaba uwei u briew udei uba la don ia ka histori ha ka jingleit sha kylleng ki ri. Hynrei namar ka jingpynbna dang shen ia ka Monkey Pox kum ka PHEIC ha ka 14 tarik u Nailar, ka jingpynkhreh bad ki sienjam ban shim la dep ban khmih bniah bad la dep ban pynkhlain haduh ha ki kyrdan kiba halor.
Ka tnad ka koit ka khiah kala kyntu ia ki paidbah ba kim dei ban khuslai hynrei kidei ban ialeh ban ioh ia ki jingtip lyngba ki channel kiba dei.
 kala pynbna ia ka jingsaphriang jongka jingpang Monkey Pox kum ka Public Health Emergency of International Concern (PHEIC).){kind=link}