Shillong, Nailar 29: U Jaden Rahman Pariat ula long u lahduh ha ka 3rd Season jong ka Indian Racing Festival (IRF) kaba la long ha Madras International Circuit (MIC), Chennai naduh ka 23 haduh ka 25 tarik u Nailar.
U Jaden ula ioh ia ka kyrdan kaba hajrong eh ha ka Formula 4 Indian Championship.
Ka IRF, ka dei ka rynsan iakob niah kali kaba iashimbynta da ki nongniah kali na ka ri India bad ki nongniah kiba na kiwei pat ki ri kiba la iashimbynta ha baroh ar tylli ki jingiakob jongka Formula 4 Indian Championship (F4IC) bad ka Indian Racing League (IRL).
Ka jingiakhun ha ka Round kaba nyngkong jongka F4IC ha kaba u Jaden Pariat uba dang 17 snem ka rt,a ula ioh iaka kyrdan kaba nyngkong hadien ba u Hugh Barter ula sangeh noh ha ka lap kaba khatduh.
Ha ka jingsdang na kaba saw, u Jaden ula ioh ban tam ia u Ruhaan Alva bad kine baroh ar ngut kila iakhun mar kylliang ban ia tam iwei ia iwei pat. U Alva ula ioh ia ka lad ban tam ia u Jaden haba kala don ka jingduh ha ka bynta ba shadien jong ka kali hynrei ym shim la ailad satia u Alva ban tam ia u.
Ha ka taiew bala dep, u Jaden ula ioh ia ka nama MRF Formula 2000 Championship ha ka Final Round jongka Indian National Car Racing Championship ha ka jingniah marwei ia ka kali.
Udei uba nyngkong eh na ka Eastern India ban ioh mad ia katei ka jingseisoh.
 kaba la long ha Madras International Circuit (MIC), Chennai naduh ka 23 haduh ka 25 tarik u Nailar.){kind=link}