Shillong, Lber 28: Ka Deen Dayal Upadhyay Community College (DDUCC) jong ka North-Eastern Hill University (NEHU), Wahiajer campus kala pynlong iaka Workshop “Modern Agriculture: Embracing Organic and Integrated Farming”
Ia kane ka Workshop la pynlong naka bynta ban kyntiew iaka rukom rep kaba pyniohnong bad ban aibor iaki nongrep ba kin iaid lang kat kum ka juk ba mynta ha ka rep ka riang.
Ia kane ka Workshop, la pynlong haka jingdon lang u Vice-Chancellor ka NEHU u Prof PS Shukla, ka Kong Trinity Saioo kaba la ioh iaka khusnam Padmashree Award 2020 haba iadei bad ka jinglah jong ka ban kyntiew iaka kam rep shynrai Lakadong.
Ha kane ka sngi, la wan shim bynta da ki 200 ngut ki nongrep lem bad kiwei ki riew paidbah kiba sngewtynnad haka kam rep.
Haba kren ha kane ka sngi, u Prof PS Shukla ula iai ban iaka jingdon bynta ki nongrep ban kyntiew iaka Ri bad ka jingdonkam ban pynneh iaka kam rep khlem ka jingkhleh ne ai dawai naka bynta ban pynneh iaka mei mariang.
Ula iaroh iaka DDUCC kaba la shim iaki sienjam naka bynta ban hikai pyntbit lyngba ka jingiatreilang bad ka skulbah haka ban kyntiew iaki samla bad iaki nongrep.
Ka Kong Trinity Saioo kala iaroh iaki sienjam bala shim ban kyntiew iaka jinglah ban pynmih khambun ki mar rep bad kala iaroh ruh iaka DDUCC bad NEHU kiba la sdang ban shim ki sienjam naka bynta ka jingmyntoi ki paidbah ka Jaintia Hills.
Ha kane ka Workshop, la ioh jingkren bad ka jingai jinghikai na ki stad kynthup u Bah Shainbor Dkhar bad Ebiangmitre Pale kiba la kren halor ka rep ka riang khlem da khleh dawai ba pyndonkam lang bad ki rukom rep ka juk stad mynta.
Kiba wan shim bynta ha kane ka Workshop, kila ioh bun ki jingmyntoi na ki stad lyngba ki jingkren bad, Practical Demonstrations bad ka jingiakylli mar kylliang.
Iaka Workshop la pynkut daka ba sam symbai shaki nongwan shim bynta daka Principal.
