Shillong, Lber 28 : U Chief Electoral Officer (CEO) ka Jylla Dr BDR Tiwari, ula pan jingtip na ki bor ka Sorkar Pdeng, Sorkar Jylla bad bor District halor ka jingioh kurup pisa, droks, kyiad bad ki jingai sngewbha lem bad kiwei kiwei, hapdeng ka jingtreikam ka Model Code of Conduct (MCC) hapoh ka Jylla.
U CEO ula pan ia kane ka jingialang ha ka jingialang ba ula khot pynlong lyngba ka video conferencing bad ki Heh Pulit, Income Tax, RBI, SLBC, AAI, BCAS, State Civil Aviation, Enforcement Directorate, Department of Posts, CISF, State Excise, RPF, NCB, DRI, CGST, SCGST, State Transport department, CRPF, Forest department bad BSF.
Ki bor District kila pyntip ba kila buh mynta ia ki Flying Squad bad ki Static Surveillance Team haba pynthikna ruh ia u CEO ba kin nang pynkhlain ia ka jingpeit pyrman ban tehlakam ia ka jingpyndonkam ia ka bor bad ka kyiad ha ka jinglah pyniaid beit iaid ryntih ia ka elekshon Lok Sabha 2024.
U CEO ula kyntu ia baroh ki District, ki bor ka Sorkar ha Jylla bad ka Sorkar Pdeng ba kin nang pynkhlain bad iatreilang ha ka jingkurup bad kiwei kiwei ki jingshim jingkhein ia ka jingpynlut ki kyrtong ha ka elekshon.
