Pynliem ka Mawlai da 2-1 kol ia ka Ryntih ha ka SPL

Date:

Share post:

Shillong, Nailur 10 : Ka Mawlai Sports Club ka la ioh ban pynliem da 2-1 kol ia ka Ryntih ha ka jingiakhun kaba itynnad bha jong ka Shillong Premier League kaba long hynne ka sngi ha madan Third Ground, Polo.

Ha ka jingiakhun lei lei dei ka Ryntih kaba ioh ban thep kol nyngkong tang ha ka minit kaba 5 jong ka kylla step lyngba ka kol kaba l aioh ban thep da u Ebormi Buam.

Katei ka jingshah thep kol kynsan mar ia sdang ka jingialehkai ka la pynlong ia ka Mawlai ban iakhun tyngeh bad kumta tang ha ka minit kaba 33 ka la ioh ban pyniakhaid noh lyngba ka kol kaba la ioh ban thep da u Brolington Warlalpih kaba pynkut artad ia ka kylla step da mar 1-1 kol.

Haba la poi pat ka kylla miet ka jingiakhun ka la nang itynnad shuh shuh namarba baroh arliang ki ia knieh ban ioh ia ka kol jop hynrei ha kaba khatduh dei ka Mawlai kaba ioh ban pynkhih jar lyngba u Robert Khongriah ha ka minit kaba 75 bad kane ka la neh tad haduh ban da kut artad ka por ialehkai.

Da katei ka jingjop hynne ka sngi, ka Mawlai ka la don mynta 32 point katba ka Ryntih pat ka neh 17 point ha ka kyrdan kaba saw jong ka miej ia khein point.

Ka jingiakhun pat ha ka 14tarik kan long hapdeng ka Nangkiew Irat pyrshah ia ka Malki ha ka por 3:45 baje janmiet. Ka Nangkiew Irat ka don mynta ha ka kyrdan kaba 5 da ki 16 point katba ka Malki pat ha ka kyrdan kaba 7 da ki 7 point.

Share post:

spot_img

Popular

More like this
Related

Shillong Lajong pull off a special, win SPL crown for the 5th time

Shillong, March 16: Shillong Lajong FC pulled out something...

Rah ka Shillong Lajong ia ka nam lahduh jong ka Shillong Premier League

Shillong, Lber 16: Ka Shillong Lajong Football Club kala...

Duna ka jinglum khajna ka Tnad Excise haduh T.14.58 klur | Phah tohkit ka CAG

Shillong, Lber 15 : Ka jingbym lah ka Tnad...

ISL 2024-25 | Shillong to host NorthEast United clash against Jamshedpur FC on March 30

Shillong, March 15: NorthEast United FC is set to...