Shillong, Jymmang 31 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ha ka sngi Thohdieng ula pyntip ba ka Sorkar Jylla kan sa pynlong shen ia ka Public Hearing ban buh ia ka jaka theh niut ba thymmai ia ka nongbah Shillong.
“Ngin dang ban pyndep ia kane ka kam. Ka Public hearing ka dang sah (ban dang pynlong)” ong u Bah Sniawbha.
Dang shen, ka Sorkar kala rai ban buh ia ka jaka theh niut ba thymmai ha Nonghali kaba hap hapoh ka Mawryngkneng Constituency.
Haba kylli, u Symbud Myntri Rangbah ula pyntip ba ka Sorkar kala pyllait ia ka Expression of Interest (EoI) ba thymmai na ka bynta ka jaka theh niut ka sor Jowai. Ula pyntip ba ka Sorkar kala dep ban thied ia ka jaka ban buh ia ka jaka theh niut ka Tura.
