Shillong, Naiwieng 03: Kum shi wanrah jingkylla haka rukom pyniaid kali ha Polo bad Madanrting, ki Pulit ka tnat pyniaid kali Shillong Traffic Police (STP) kala pynbna ban wanrah katto katne ki jingpynkylla haka rukom pyniaid ia ki kali bad kane kan sdang naduh 6 tarik mynta u bnai.
Ha Polo, ym shah shuh ban rung na 4th Furlong Junction iaki kali kiba kwah ban iaid sha Polo. Ki kali kidei ban iaid noh lyngba ka CS Junction/Pinewood Junction/B. K. Bajoria Junction.
Ym shah ban khun sha ka mon na Matri Mandir Junction iaki kali kiba kwah ban iaid sha iew Polo Junction. Kidei ban iaid lyngba 4th Furlong.
Ym shah ban khun sha ka mon na Green Hills Junction iaki kali kiba wan na Polo Towers Road kiba kwah ban iaid sha 4th Furlong. Kidei ban shim iaka bynta ka kamon sha Polo Bazaar Junction ban leit sha 4th Furlong.
Ha Madanrting, ka surok Lumbasuk Junction shaka National Law University (NLU) yn pynkylla One Way kaba mut ki kali ki lah ban iaid na Lumbasuk Junction sha NLU.
Ka surok Demthring Petrol Pump Junction sha Madanrting Presbyterian Junction yn pynkylla One Way kaba mut ki kali ki lah ban iaid na Demthring Petrol Pump Junction sha Madanrting Presbyterian Junction.
Ka surok na Madanrting Market Junction sha Demthring Petrol Pump Junction yn pynkylla One Way kaba mut ki kali ki lah ban iaid na Madanrting Market Junction sha Demthring Petrol Pump Junction.
 kala pynbna ban wanrah katto katne ki jingpynkylla haka rukom pyniaid ia ki kali bad kane kan sdang naduh 6 tarik mynta u bnai.){kind=link}