Shillong, Naiwieng 03: Ka Meghalaya kala jan poi sha ka jingjop haka jingiakhun jong ka BCCI Domestic Cricket hynrei kala shah pynrem noh tang 4 runs haki thei ialehkai ka Sikkim haka Women’s U-19 T20 Trophy kaba la long Mumbai.
Ka Meghalaya kam pat ju jop haka jingialegkai mynta u snem hynrei kala don jingkyrmen ban ioh jingjop haka U-19 women hadien baka la lah ban shah iaka Sikkim ban tied tang 77/5 haka 20 overs hynrei ka Meghalaya ruh kala hap lut ki Wicket hadien ba ka ioh kamai tang 74 daka ba hap lut ki Wicket na 19.5 overs.
Ka Ankita Sharma kala ioh khur 2 wicket bad ai 9 naki 4 overs bad ka Meghalaya kala Bowl nyngkong hadien ba rem iaka jingia kynting pisa bad jan baroh ki nongkawang Ball kila leh bha namar kaJaylynn Marak kala ioh khur 1 bad ai 10 haka 3 overs) ka Emisakani Warjri (1/11 ha 2 over bad ka Sistilin Ryntathiang (1/12 haka 3 Over).
Haba beh iaka thing, ki nongtied ba hakhmat ka Meghalaya kim shym la lagh ban leh bha bad kila leh ban kamai tang 29 runs bad hap 5 wicket hynrei naka liang ka Monica Singh kala kham neh slem bad kala 18 run ha ryngkat ka Dubleen Nengnong 11 run ban pynioh iaka Meghalaya 61 run khlem da hap shuh ki wicket.
Watla ka jingiakhun hashuwa ban kut kala itynnad bad ka ai mynsiem iaka Meghalaya hynrei ki nongkawang ball ka Sikkim kila leh bha bad kila lah ban ailad iaka Meghalaya ban tied tang 74 run bad hap lut ki Wicket.
Kane kadei ka jingialehkai kaba ar baka Meghalaya kala rem bad kala rem nyngkong haka Chandigarh da 10 wickets bad haka 5 tarik kan iakhun pyrshah iaka Baroda.
