Pynkut ka Sorkar ia ka jingpynlip bording naduh mynta shiteng miet

Date:

Share post:

Shillong, Naitung 11:Ka Meghalaya Energy Corporation Limited (MeECL) hynne ka sngi nyngkong kala rai ban weng noh ia ka jingpynlip bording (load shedding) ba arkynta ha baroh kawei ka Jylla.

U Myntri Rangbah ka Jylla Conrad Kongkal Sangma lyngba ka rynsan Social Media, ula pyntip ba ka Sorkar Jylla kala dep pynbeit ban pyndap ia ka jingduna bording ka Jylla lyngba ka Power Banking (jaka kynshew bording ki kompani ka Sorkar Pdeng) ka bym donkam siew.

U Conrad ula ong ba kane ka la jia ruh da ka jingtreikam biang baroh ki Unit kiba duh lait noh ia ka tyllong pynmih bording ka NEEPCO na Khondong bad Kupli, kiba ngi dang ap ba kin sdang biang noh.

U Myntri Rangbah ula pynpaw ia ka jingsngewnguh ia ki nongshongshnong kiba la iai shah bad iatreilang bad ka Sorkar haba iadei bad ka jingduna bording ha u bnai bala lah.

Ka Tnad bording ka Jylla kala shah kynthoh jur bha halor ka jingduna bording bad bun na ki nongthang bording kila shaiong ia kane ka jingduna bording wat hapdeng ka jingioh ka Jylla ia u slap uba jur, kaba la lam sha ka jingpynlip bording da ki bun kynta.

Haba nyngkong, ka MeECL kala pynbna ba ka jingpynlip bording kan long haduh saw kynta hynrei u Myntri Rangbah ka Jylla hynnin ka sngi U Blei ula pyntip lyngba ka Social Media ba ka sorkar ka la pynduna ia ka jingpynlip bording sha ka arkynta.

U Myntri Rangbah u pyntip ba ka jingtreikam biang jong ka Umtrew Unit ba thymmai bad ka jingioh bording biang n aka OTPC Plant, ka jingioh bording ka Jylla ka la kham biang bad la pynduna ia ka jingpynlip bording sha ka 2 kynta.

U Conrad u pyntip baka Sorkar ka dang ap ruh ban dep noh ka jingmaramot ia ka Unit-II jong ka Stage-IV Umiam shuwa ba kan shiom rai ban weng noh ia ka jingpynlip bording ka ban sa urlong shen.

Kane ka jingpynlip bording ha Jylla kala wan jia namar ka jingsniew jong ki katto katne ki Unit ka Leshka Hydro Electric Project. Bad ka Umtrew Stage I bad II Powerr Project. Ka jingduna bording ka Jylla kala kot ia ka 122 MW namar ka jingpynmih duna bording na kine ki project.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...