Nongpoh, Lber 18: Ka District Sport Ophis jong ka Ribhoi District ha ka jingiatrei ryngkat lang bad ka Ribhoi District Basketball Association ka la rakhe ia ka International Womens Day hynne ka sngi da ka jingïalehkai phainal jong ka Basketball ki kynthei.
Ka jingiakhun ia kane ka phainal ka long hapdeng ka Kynhun na Nongpoh pyrshah ïaka kynhun Hustles ‘B’ kaba naka shnong Marngar.
Ha kane ka jing ïalehkai phainal, ka Nongpoh ka la lah ban pynliem noh ïaka Hustles ‘B’ da 52 baskets la 21 basket. Ka nongpoh kaba la ong ka nongjop kala ïoh ban rah iaka song pisa kaba 10 hajar tyngka ryngkat bad ka trophy bad ka Hustles kaba wan baar ka la ïoh ban rah iaka song pisa kaba 7 hajar tyngka ryngkat bad ka trophy.
Kum ban shu kdew hangne, ka Ophis u DSO Nongpoh ka la dep ruh ban pynlong ïaka jingialehkai tan tyllai kaba dei ruh kum shibynta ban rakhe ia ka sngi kyrpang jong ki Longkmie ïakaba la dep ban pynlong haka 13 tarik Lber ha madan Pahamsyiem bad ki la ïoh ruh ban sam daka song pisa sa ki nongjop.
Ha kane ka sngi pynkut ia kane ka jingialehkai basketball la wan ban iadon bynta lang da u Vibhor Aggarwal IAS, Director of Sports & Youth Affairs, DSO nongpoh u bah Bobby L Nongbet, u Bah Sylvestar Mynsong Secretary ka RBDBA, Bah Mark William Nongrum Asst. Secretary ka RBDBA, ki dkhot ka Dorbar Shnong Nongpoh kiba kynthup ia u Bah Micheal Kharhunai Treasure, Samla Anthony Suchiang General Secretary, ki Nongtrei ka ophis DSO bad kiwei kiwei.
