spot_img

Pynkup burom ka USTM haduh 1305 ngut ki samla pule kiba pyndep ia ki jingpule

Date:

Share post:

Shillong Nailur 20: Ka University of Science and Technology Meghalaya (USTM) hynne ka sngi kala pynlong iaka Convocation kaba Phra ha kaba la pynkup burom ia ki 1305 ngut ki samla pule kiba la pyndep ia ki jingpule ha ki kyrdan bapher bapher.


Ki samla kiba la shah pynkup burom ki kynthup ia ki 15 ngut kiba la pyndep iaka PhD, 775 ngut kiba la pyndep iaka Post Graduate Degree bad 515 ngut kiba la pyndep iaka Undergraduate Degree.

Ha kane ka sngi, ka UTSM kala ai ruh iaka Honorary Doctorate of Science (D.Sc.) sha u Dr. N.N. Dutta, uba long u Nongseng bad Chancellor jong ka Assam Downtown University bad la pynkup iaka Honorary D.Litt. ia u Manas Chaudhuri, uba long u Editor barim jongka The Shillong Times bad u Myntri sorkar barim ka jylla bad ia kine la pynkup burom da u Lat ka jylla u Satya Pal Malik uba long ruh u Visitor jongka USTM.


Nalor kane la sam ruh iaka khusnam Dr APJ Abdul Kalam Best PG Student Award bala ioh da ka Ajungla Kundang, MA Rural Development, katba ia ka PA Sangma Best UG Student Award la ioh da ka Yashodhara Goswami, B. Sc. Biotechnology bad la sam ruh ia ki 24 tylli ki Takma Ksiar sha ki samla pule Post Graduate bad 21 tylli ki Takma Ksiar sha ki samla pul Undergraduate kiba na ki shnad bapher.

U Satya Pal Malik u la ong, ka jingseng ia kane ka skulbah kadei namar ka jingiohi jngai jong u nongseng u Mahbubul Hoque ban wanrah ka jingkylla haka jingim jong ki paidbah ka thain da kaba pynkupbor iaki da ka jingnang jingstad.

U Lat u la ai khublei ia baroh ki samla kiba la pyndep iaki jingpule bad kumjuh ruh ia u Manas Chaudhuri bad u Dr NN Dutta, kiba la iohpdiang iaka Hon. D.Litt & D. Sc.

Ha katei ka jingialang la iadonlang u Myntri ka pule puthi ka jylla u Bah Lahkmen Rymbui, u Chancellor jongka USTM u Mahbubul Hoque, bun ngut ki Vice Chancellors jong ki skulbah bapher bad kiwei kiwei.

Share post:

spot_img
spot_img

Popular

More like this
Related

Leit hiar ka liengsuiñ IndiGo kaba shong u CM ka Assam sha Agartala ba sniew ka suiñbneng

Dibrugarh, Nailar 24: Ka liengsuiñ IndiGo kaba la mih...

Ïap 1 bad mynsaw 3 ngut na ka jingpluh ka Residential School ha Arunachal

Itanagar, Nailar 24: Ha kawei ka jingjia kaba sngew...

IndiGo’s Dibrugarh–Guwahati flight carrying Assam CM diverted to Agartala

Dibrugarh, Aug 24: An IndiGo flight from Dibrugarh to...

10-year-old student killed, 3 injured in Arunachal school hostel fire

Itanagar, Aug 24: In a tragic incident, a 10-year-old...