Shillong Nailur 29: Ka Akhil Bharatiya Vidyarthi Parishad (AVBP) Meghalaya hynne ka sngi kala sam iaka khusnam ‘U Tirot Sing’ Best Student Award-2022 ha ka jingialang kaba la long ha Soso Tham Auditorium ha kaba 80 ngut ki khynnah pule kiba lawan shakmat haka SSLC bad HSSLC kila shah pynkup burom.
Ia kitei ki khynnah bad samla pule la pynkup burom da u Myntri Sorkar ka jylla Nagaland uba khmih iaka tnad Pule Puthi u Temjen Imna Along Longkumer kum u kongsan ha ryngkat ka jingdonlang u Syiem Khynnah ka Hima Nongkhlaw u Dr. Kestonbel Manik Syiemlieh, u Zonal Organising Secretary ka ABVP North East Zone u Nirav Ghelani bad kiwei kiwei.
Haba kren ha ka jingialang u Temjen Imna ula iaroh ia ki khynnah bad samla pule kiba la wan shakhmat ha ki eksamin bapher bad ula kyntu ia ki ba kin bteng ban trei shitom bad ban minot thop ha ka jingpule ka jongi bad ban kyntiew shajrong iaka ri.
Katba u Dr Kestonbel ula ai jingbatai shaphang ki kam shlur jong u Syiem Tirot Sing uba lalen iala ka jingim ha ka jingiakhun pyrshah iaki phareng.
U Nirav Ghelani ula batai ia ki kam kiba ka ABVP ka leh ha kylleng ki jylla bad kumno kane ka kynhun ka noh synniang ha kaban kyntiew iaka ri ha kaba btin lynti ia ki samla ban iaid haka lynti kaba dei.
