Shillong, Nailur 29 : Ka Khasi Jaintia Church Leaders’ Forum (KJCLF) hynne ka sngi palei kala iai ban ba dei ban pynsangeh ia ka jingthmu buh ktem khalai casino bad ban pyndam noh ia ka Gaming Act (MRGA), 2021.
Ha ka shithi bala phah sha u Myntri Rangbah ka Jylla Conrad K Sangma, ka KJCLF kala ong ba ka iarop ia ka jinglong ba kloi jong u Myntri Rangbah ban sngap ia ka sur u paidbah kynthup ia ki kynhun bad ki nongialam niam kumba la ju pynpaw na ka por sha ka por.
“Hynrei kum ka jingbuddien ia kaei kaba mih na ka dorbar synrai ba dang shu kut jong ka Iingdorbar Thaw Ain bad hadien kata, ka Forum ka iohi ba kam don satia ka jingkular kaba skhem jong kane ka sorkar ba mynta ban khang ne pynsangeh ia ka khalai casino bad ban pyndam noh ia ka Meghalaya Regulation of Gaming Act 2021. Ki jingshisha kiba la paw ha ki rynsan paidbah ki kren da kumwei”,, ong ka Forum.
“Namar ka jingsngewkhia ia kine kiei kiei baroh, ka KJCLF ka iai bteng ban dawa pynsangeh ia ka khalai casino bad ban pyndap ia ka MRGA, 2021,” kala ong.
