Shillong, Jymmang 17: Ka Tnad Health & Family Welfare ka jylla hynne ka sngi Thohdieng, kala pynlong ia ka Orientation Programme ha Hotel Marriot Shillong na ka bynta ki Specialist Doctors kiba la ithuh ban long ki nonghikai ha ka Shillong Medical College.
Haba kren ha ka jingialang u Dr Achal Gulati ula ong, kumba long mynta ki don 706 tylli ki Medical Colleges ha ka ri bad ka Meghalaya ka don tang kawei hi ka Medical College kaba dei ka NEIGRIHMS, kumta ka long kaba donkam ban tei ia ka Medical College.
Ula ong, ba ka jylla ka donkam ban don 300 haduh 400 tylli ki seat man la u snem hynrei ia mynta ka jylla ka don tang 50 tylli ki seat. Ula ong ban seng ia ka Medical College kaba thymmai ha ka jylla, yn donkam ban ioh iaka jingkyrshan kaba radbah na ki doctor khnang ba yn lah ban pynurlong ia ka.
“Ka jylla kadei ban iaid shakhmat katkum ka jingiaid ka por bad ka roi ka par bad kadei ban don ia la ka jing ka Medical College. Ngi donkam ban ai ka lad ia ki samla pule ba kin kylla long ki Doctor ha ka jylla” ong u Dr Achal.
Ka jingthmu jong katei ka Orientation Program ka long ban ai jingpynshai halor ki kamram bad ki jingkitkhlieh hapoh jong ka Medical College bad Hospital khamatam eh ha kaba iadei abd kito kiban ai jinghikai. Ka Prokram ka don ruh iaka jingkhmih lytni ha kaba iadei bad ka jingai jinghikai, ka jingwad bniah, ki kamram ha kaban ai jingsumar bad kiwei kiwei.
