Nongpoh, Jymmang 17: Haduh 30 ngut ki nongshongshnong ka Ri-Bhoi District, kila pyndep ia ka jingai jinghikai pyntbit ban shna umsoh da ka El Elyon Institute.
Kane ka jingai jinghikai ka dei kaba la pynlong da ka tnad treikam ka Institute bala tip kum ka El Elyon Institute Farming Department, kaba la kyrshan da ka Meghalaya State Skill Development Society (MSSDS) jong ka Sorkar Jylla.
Kine ki 30 ngut kila pyndep ia ki jinghikai pyntbit kaba 3 bnai ha ka Agro base food processing, kaba la pynlong naduh u bnai Naiwieng 2023 haduh u bnai Kyllalyngkot 2024.
Na ka liang ka Tnad Horticulture ka Ri-Bhoi District kala kular ba kan sa ai ka jingiarap bapher bapher sha kine ki 30 ngut ba kin ioh mynsiem ha kaban sdang iala ki jong ki kam ki jam bad ieng hala ki kjat.
