Shillong, Iaiong 30 : Khatduh ka khubor kaba bha kala wan halor ka jinglong jingman ka suinbneng.
Kat kum ka jingbatai lypa ia ka jinglong ka suinbneng na ka Regional Metrorological Centre, ka Jylla Meghalaya bad ki Jylla ba marjan kin sa ioh ia u slap uba jur ha ryngkat bad u pyrthat ha kine ki sngi ban wan naduh ka 30 tarik Iaiong haduh ka 4 tarik Jymmang.
Kane ka jingbatai lypa jong ka IMD kala pynsngew laitksuid ia ka thain na ka jingshit kyr-ang jong ka sngi bad ka jinghap u slap kan sa pynhiar shikatdei ia ka jingshit jong ka suinbneng.
Kat kum ka jingbata, u slap uba jur ulah ban wan hap ha ki katto katne ki jaka jong ka East Khasi Hills, West Khasi Hills East Jaintia Hills bad ka jingpom pyrkhat ryngkat ka lyer kaba jur kaba iaid ha ka jingsted ba kot 40-50 kmph, ki lah ban don ha ki katto katne ki jaka ka East Khasi Hills, West Jaintia Hills, East Jaintia Hills bad Ri-Bhoi District ha ka 30 tarik Iaiong.
La iathuh ba ha ka 1 tarik Jymmang, u slap uba jur u lah ban wan ha ki katto katne ki jaka ka East Khasi Hills, West Khasi Hills, East Jaintia Hills bad South West Khasi Hills bad u pyrkhat lem bad ka lyer kaba jur kaba iaid ha ka jingsted ba 4-50 kmph ki lah ban don ha ki katto katne ki jaka ka East Khasi Hills, West Jaintia Hills, East Jaintia Hills, West Khasi Hills, South West Khasi Hills bad Ri-Bhoi District.
Kane ka jinghap slap uba wan ha ryngkat ka lyer bad u pyrthat kan don ruh ha ka 2 tarik haduh 4 tarik Jymmang ha kine ki District ka Jylla.
