Nongpoh, Iaiong 30 : Ka kynhun ki riew runar hynne ka step sngi Ba-ar, kila thombor bad shoh dusmon ia u nongniah kali jong ka kot Khubor Meghalaya Guardian ha surok National Highway-6 ha Umling.
Kane ka jingjia kala jia ha ka por 5 baje mynstep katba une u nongniah ka kali jong ka Meghalaya Guardian u dang thmu ban wan pynpoi ia ka kot khubor na Assam sha Shillong da ka kali kaba don u nombor AS01-JC-9434.
Une u nongniah kali u kyrteng u Biren Boro, ong ki Pulit kiba iathuh ba ki runar kila knieh ia ka mobile phone bad ka pisa na u Biren hashuwa ba kin phet krad na kane ka jaka.
U Biren ula leit ban ujor da ka ejahar ha Nongpoh Police Station. Ki Pulit kila register case halor kane ka jingjia bad ka jingtohkit mynta kala iaid shakhmat ban lapdien ia kine ki runar kiba donkti.
