spot_img

Pynjari u DM da ka BNSS ba pynthut ki trai jaka ban shna ia ka surok Shillong Western Bypass

Date:

Share post:

Nongpoh, Kyllalyngkot 28: U District Magistrate ka Ri-Bhoi District, ula pynjari da ka kyndon 163 jong ka Bharatiya Nagarik Suraksha Sanhita, 2023, ha Ri-Bhoi namar ka jingpynthut jong ki katto katne ki trai jaka ia ka jingtrei jong ka surok Shillong Western Bypass.

Kat kum ka hukum, u District Magistrate ula pyntip ba ka jingujor kala wan na ki bor ka NHIDCL, PMU Mylliem, East Khasi Hills District kiba dang pyntrei ia u surok Shillong Western Bypass, ba ki katto katne ngut ki trai jaka kila kyntait ban ai ka jingiatreilang bad ruh ban pynthut ia ka jingtrei jong kane ka surok ha ka shnong Nongkyndong, Ri Bhoi District.

La pyntip ruh, ba watla ia ka jaka la dep ban thied bad dep siew lut ia ka pisa na ka bynta kae ka surok hynrei ym tip na kaei ka daw ba ki katto katne ki trai jaka ki dang pynthut ia ka jingthmu ban shna ia kane ka surok.

Kumta, ban lait na ka jingshah pynthut ne jingpynwit ha ka jingtei ia kane ka surok Bypass ka ban ai jingmyntoi na bynta ka district Ri Bhoi bad ka jylla hi baroh kawei, u Magistrate u la pynjari da kaba kyndon ain ban iada na ka jingshah pynthut khnang ba ka jingtei kan long kaba iaid beit bad sted.

La maham ruh ba lada don kiba pynthut ne pynkhein ia kane ka kyndon, kin shah pynngat ha ka jingpynshitom katkum ka ain jong ka163 of the Bharatiya Nagarik Suraksha Sanhita, 2023.

Share post:

spot_img
spot_img

Popular

More like this
Related

Angnud u Bah Prestone ba baroh 60 ngut ki MLA ka Jylla kin dei ki dkhot ka NPP

Shillong Nailar 01: U President ka National People's Party...

Ka Sorkar Pdeng kadei ban jubab shai kdar, la kan ai ne ym ai ILP ia ka jylla, ong u Bah Prestone

Shillong Nailar 01: U Symbud Myntri Rangbah ka Jylla...

Pynkut noh ka iingbishar ia ka PIL pyrshah ia ka Amrit Cement

Shillong Nailar 01: Ka Meghalaya High Court kala pynkut...

Pynlong prokram ka CRCSRE na ka bynta kiba don jingduna ha ki dkhot met

Nongpoh, Nailar 01: Ka Composite Regional Centre for Skill...