Shillong, Naitung 10 : Ka Deputy Commissioner ka East Khasi Hills, kala pynjari da ka kyndon 144 CrPC ha Nongbah Shillong ban tehlakam ia ki huri hura bad ki kam iashoh iadat ha ka por mynmiet, kaba pynthut ia ka shongsuk shongsain bad ka jingshngain ki nongleit nongwan.
Kat kum ka hukum, ka Deputy Commissioner kala pynjari ia ka kyndon 144 CrPC ba khang ia ki dukan, ki dukan bam, restaurant bad kiwei ha Shillong ba kin plie palat ia ka 10 baje mynmiet.
Kala khang ruh ia ka jingiadih kyaid bad kino kino ki kam beain hapoh ki kali lem bad ka jingpynheh jingrwai hajan ki jaka pule, ki Iingmane bad ki Hospital khamtam hadien ka por 10 baje mynmiet.
Kala pyntip ba kino kino kiba pynkhein ia kane ka hukum kin ngat ha ka kyndon 188 jong ka IPC. Kane ka hukum kan treikam naduh ka 12 tarik Naitung.
Kat kum ka hukum, ka DC kala pyntip ba ia kane ka kyndon la pynjari halor ka jingsakhi ia ki kam iashoh iadat ha kylleng ki jaka ka Nongbah Shillong kaba lam sha ka jingthut ka shongsuk shongshngain ha ka por mynmiet.
Ka ong ba kum kine ki jingjia, kala pynthut bad buh ha ka jingma ia ki nongleit nongwan bad ruh ia ka jingim jong ki riew paidbah.
Pule lang ia kane: Thoh ka RIMS sha Delhi ban pynbeit jaka pule ia ki samla pule ha Meghalaya bad Assam
