Shillong, Naitung 06: Ka Khasi Students Union (KSU) seng kmie, hapoh ka jingialam jong u President u samla Lambokstar Marngar bad u General Secretary Donald Thabah, ryngkat bad ki dkhot kila pynieng iaka khyrdop ILP hynne ka sngi saitjaiñ, ha ka shnong Pahammawlein (20mer) ha ka surokbah National Highway-6 ha Ri Bhoi.
Kane ka jingshim ka KSU ia kane ka sienjam kadei kum shi bynta ban pyrshah iaka sorkar jylla halor ka jingbym shimkhia ha kaban tehlakam ia ka jingwan rung ki bar jylla bad ki mynder ri.
Ki nongialam bad ki dkhot ka KSU kila buh ia kane ka khyrdop ban pynsangeh ia ki briew kiba la wan nabar kiba la shu rung tuh shapoh ka jylla bad kila khmih bniah ruh ia ki kali kiba iaid lyngba ka NH-6 bad kila khmih bniah ia ki kot ki sla bad kito ki bym shym la don ia ki kot ki sla kiba biang kim shym la ioh ban rung shapoh ka jylla.
Hadien ba ka KSU kala pynieng iaka khyrdop ILP bad ban khmih bniah ia ki nongleit nongwan, ki majistor bad ki pulit ka Ri Bhoi kila wan poi sha katei ka jaka bad kila kyntu ia ka KSU ban pynsangeh ia ka jingpynieng iaka khyrdop ILP bad kila pynpaw ba ki kwah ban don ia ka jingiakren.
U President ka KSU u samla Lambokstar Marngar bad u General Secretary u samla Donald Thabah kila ong, ba ka dawbah ba kila shim ia katei ka sienjam ka long kum ka jingpyrshah ia ka sorkar jylla bad sorkar pdeng halor ka jingpynslem ban pyntreikam ia ka ILP bad ia ka Meghalaya Residents Safety and Security Act (MRSSA).
Kila kynthoh ruh ia ki sorkar ba kila kheiñ sting halor ka mat jong ka jingwan rung kyrthep ki mynder bad ki bar jylla bad kane kala buh kylla ha ka jingma ia ki riewlum ritpaid ha ka jylla.
Kila ong, ba kane kam dei ka sien kaba nyngkong ba kila pynieng iaka khyrdop ILP hynrei kila dep ban leh bunsien ha ki snem kiba la dep ban iakhun iaka jingwan rung kyrthep ki briew kiba nabar bad kila banjur ba kadei ka jingpulom jong ka sorkar jylla ban shimkhia ha kaban leh eiei ban iada ia ki trai riewlum na ka jingma kaban shah tyllep ha ki briew kiba nabar.
Ki nongialam ka KSU kila banjur ba ka sorkar jylla kadei ban pyntreikam noh mardor ia ka MRSSA bad ka sorkar pdeng kadei ban pyntreikam noh ia ka ILP ha Meghalaya. Kila byrngem ba lada ym pyntreikam mardor ia kitei, kumta ka KSU kan iai bteng ban khynra ia ki briew kiba nabar ha kylleng ki bynta jong ka jylla ban pynthikna ba kan ym don kano kano ka jingwan rungtuh ha kine ki sngi ban wan.
 seng kmie, hapoh ka jingialam jong u President u samla Lambokstar Marngar bad u General Secretary Donald Thabah, ryngkat bad ki dkhot kila pynieng iaka khyrdop ILP hynne ka sngi saitjaiñ, ha ka shnong Pahammawlein (20mer) ha ka surokbah National Highway-6 ha Ri Bhoi.){kind=link}