Shillong, Naitung 06 : U President ka Meghalaya Pradesh Congress Committee (MPCC) bad MP barim ka Shllong Bah Vincent H pala, ha ka sngi Saitjain ula ong ba ka elekshon MLA shiteng samoi ha Gambegre ka dei ka elekshon kaba hap ban jop beit ia ka congress.
Haba iakren bad ki nongthoh khubor, u Bah Pala ua ong ba ka party kala khot thep kyrteng na ki kyrtong kiba kwah ban aireng bad kala rai ban aiti ha u MP ka Tura Saleng A Sangma, uba dei u MLA barim ka Gambegre, ban pynthikna ba ka party kan jop ha kane ka elekshon shiteng samoi.
“Ngin shaniah ha u MP jong ngi ban pynlong ia u kyrtong ba un jop bad khlem pep u don ia ka bor ban ong iano ba ngi kwah ban ai ticket bad ngin kyrshan beit ia kata” ula ong.
Haba pynpaw ba ka dei ka elekshon kaba hap ban jop beit ka Congress, u Bah Pala ula ong ba u Saleng u hap jop beit ia kane ka elekshon namar u Myntri Rangbah ka Jylla Conrad K Sangma, ula pynieng ia ka kurim ban aireng n aka NPP bad u Myntri Rangbah barim Mukul Sangma ula pynieng ia ka hep kynsi bad kurim u Zenith na ka TMC.
“Kan dei ka elekshon kaba itynnad bha ha Ri-lum Garo ha kane ka kynti namar baroh ki nongialam kynthup u Myntri Rangbah ba mynta, u Myntri Rangbah barim bad u Myntri Rangbah ban sa wan kin iakhun ia ka elekshon ha kane ka kynti” ula ong.
 bad MP barim ka Shllong Bah Vincent H pala, ha ka sngi Saitjain ula ong ba ka elekshon MLA shiteng samoi ha Gambegre ka dei ka elekshon kaba hap ban jop beit ia ka congress.){kind=link}