Shillong, Risaw 22 : Ka Bharatiya Janata Party (BJP) kala ai ticket ia u MDC ka Tura bad Chairman barim ka ANVC-B Bernard N Marak, ban long u kyrtong ka party ha ka elekshon shiteng samoi ha Gambegre constituency.
Kat haduh mynta, saw ngut kila mih kyrteng ban aireng ha kane ka elekshon shiteng samoi ka ban long ha ka 13 tarik Naiwieng bad ban niew vote ha ka 23 tarik Naiwieng.
Ka elekshon ka lah ban sakhi ia ka jingiakhun ba tyngeh hapdeng ki saw tylli ki party-ka NPP, TMC, Congress bad BJP.
Ka National People’s Party (NPP) kala pynieng ia ka kurim u Conrad K Sangma Myntri Rangbah ka Jylla, ka Dr Mehtab Chandee Sangma, ka TMC kala pynieng ia ka MDC kynthei ba marwei ka GHADC ka Sadhiarani M Sangma, kurim u MLA barim Zenith Sangma.
Ka Congress kala pynieng ia u Jingjang M Marak, u nongbud ba jan eh jong u MLA barim bad MP ka Lok Sabha na Tura Saleng A Sangma bad une u kyrtong ka BJP bad MDC ka Tura Bernard N Marak.
Kane ka elekshon ka dei kaba la pynlong namar ka jingiehnohkam jong u Saleng Sangma hadien ba ula jop ia ka elekshon Lok Sabha na Tura.
 kala ai ticket ia u MDC ka Tura bad Chairman barim ka ANVC-B Bernard N Marak, ban long u kyrtong ka party ha ka elekshon shiteng samoi ha Gambegre constituency.){kind=link}