Shillong, Risaw 12 : Ki shipai Border Security Force (BSF) ka Meghalaya Frontier, kila pynlong ia ka jingpyni nam ia ki tiar ialeh sha ki riew paidbah hynne ka sngi Balang ha ka thain Bakur, West Jaintia Hills District.
Ka jingpyni nam ka long ia baroh ki tiar ialeh ka juk ba mynta bad ki tiar ba pyndonkam da ki shipai BSF ban ialeh pyrshah ia ki kynhun kiengatiar. Kane ka long ruh shibynta jong ka jingrakhe ia ka Azadi ka Amrit Mohatsav.
Palat 500 ngut ki riew paidbah kynthup ki Khynnah Skul kila wan iashim bynta ha kane ka prokram bad la ailad ia ki ba kin khmih ia ki tiar ialeh ba don da ki shipai BSF.
Ha kane ka prokram, ki Khynnah kila iapbiej ban ioh peit hajan ia ki tiar ialeh bad ban tip ruh ia ki bor treikam jong kine ki tiar ialeh ba shyrkhei.
Shuwa kane, haba kren kum u Kongsan, u Bah Aphonous Khonglah, General Secretary ka Bakur, ula ai ka jingiaroh ia ka sienjam bala shim da ki shipai BSF.
