Shillong, Nailur 23 :Ka Mahatma Gandhi University (MGU), kala pynhiar mynta ia ka bai syrnot (Certificate) ba kynthup ia ka Provisional, Migration, Consolidated Marksheet bad Degree Certificate hadien ka jingtuklar jong ka Khasi Students Union-MGU Unit.
Kat kum ka jingpynbna (Notification) bala pynmih da u Registrar ka University, ia ka bai syrnot baroh la pynhiar sha ka T. 8000 haba kyntu pat ia ki samla pule ba ki dei ban siew noh shuwa ka 30 tarik Risaw 2022.
Kane ka jingpynhiar ia ka bai syrnot kala jia hadien ba ka KSU-MGU Unit kala thoh sha u Vice Chancellor ka University ba kyntu ban pynhiar ia ka dor bala buh, kaba long haduh T. 28000 ia baroh ki syrnot.
