Shillong, Nohprah 19 : Ka Sorkar Jylla kala ai jingmynjur ban pynkylla ia ka Rule 374, kaban pynhiar ia ka dor shalan (export) ia ka Extra-Neutral Alcahol (ENA) ba pynmih na Jylla Meghalaya.
Ka jingpynhiar ka dei kaba la leh da ka jingthmu ban lah pyniaid iew ia ka ENA ba shna ha Jylla sha ki iew ka thain Shatei Lam Mihngi, kaba mynta ka mad ia ka jingeh ha ka dor kaba heh kumba 5 haduh 6 shah haba nujor bad ka dor ka Assam.
“Ngi la pynhiar ia ka dor shalan jong ka ENA ka ban sa shalan napoh ka Jylla” ong u Myntri Rangbah Conrad K Sangma haba iakren bad ki lad pathai khubor hadien ba dep pyniaid ia ka jingialang ka Kynhun Myntri ha ka sngi Thohdieng.
“Lah leh ia kane ban pynthika ba ka jingpynmih ia ka ENA bala leh ha ka Jylla jong ngi kan dei kaba lah ban pyniaid iew ha ka iew ka NE. Mynta ka jingdie ia ki mar shabar ka Jylla Meghalaya ka long nil namar ka dor ka heh haduh san shah, hynriew shah ban ia ka Jylla ba marjan ka Assam. Da ka jingpynhiar ia ka dor-kham rit ban ia ka dork a Assam-kan pynlah ia ngi ban die ia ka mar shabar ha ka thain Shatei Lam Mihngi bad kane kan pynthikna ba ka jingpynmih pisa jongka Tnad Excise kan kiew” ula bynrap.
 ia ka Extra-Neutral Alcahol (ENA) ba pynmih na Jylla Meghalaya.){kind=link}