Shillong, Nailur 10: Ka Garo Hills Chess Championship hynne ka sngi ka la pynhap pyrda noh ia ka lympung ialehkai Chess Championship jong ki skul ka Rilum Garo. Ia kane ka lympung ialehkai la wan ban plie da u Deputy Commissioner ka West Garo Hills Swapnil Tembe.
Ha katei ka lympung ki don 100 ngut ki khynnah kiba wan shim bynta kynthei bad shynrang na baroh kawei ka Rilum Garo ki la wan ban shim bynta.
Ki nongjop ha ka U-12 ha katei ka lympung ki kynthup ia ka Cheaha Nikgame Green Momin ha ka kyrdan ba nyngkong, Nikman G Momin ha ka ba ar, Amaziah Gapesa Ch Marak kyrdan ba lai, Xhigandil J Sangma kyrdan ba saw, Chongkimbea M Sangma kyrdan ba san, Aidan Namte M Momin kyrdan ba hynriew, bad i Sildora Ritime D Sangma la shah jied kum i nongïalehkai ba kynsai tam napdeng ki kynthei U-12.
Ki nongjop ha ka U-15 pat ki kynthup ia Arano Rikrim Ch Momin kyrdan ba nyngkong, Anthony B Marak kyrdan ba ar, Arian Mikkam N Sangma kyrdan ba lai, Arak Krimchang M Sangma kyrdan ba saw, Thangwa M Sangma kyrdan ba san, Eriweang M Momin kyrdan ba hynriew bad ka Joanna John P Marak ka la shah jied kum ka thei ialehkai ba kynsai tam ha ka thup U-15.
Ia katei ka lympung la wan pynhap pyrda da u District sports officer Saljagring M Marak ha ka rukom kaba shongkun bha. Ia katei ka lympung ialehkai la bei tyngka da ki bor distrik ryngkat ka Ophis na District Sports bad kumjuh na Prime alternatives Tura.
