Shillong Kyllalyngkot 22: Kum shi bynta ban pyni ïa ka polisi treikam ba ym lah ban pdiang ïa ka kam khaïi droks bad kum shi bynta jong ka Drug Disposal Campaign ka CBIC (Central Board of Indirect Taxes and Customs), ka Commissionerate of Customs (Preventive), Shillong ha ka sngi ba-ar, kala pynduh noh ïa u droks uba shongdor T.8.5 Klur uba la ioh kurup katkum ka NDPS Act, 1985.
Ha kane ka jingpynduh noh ia une u drok la wan ban sakhi da ka Drug Disposal Committee kaba la ïalam da u Bah Spencer M Mylliem uba long u Joint Commissioner ka Customs NER bad ki ophisar jong ka tnad Customs bad DRI.
La pynduh noh ïa une u drok ha kata ka rukom ba kan ym ktah ïa ka mariang bad ban pynthikna ba ïa u droks dei ban pynduhjait noh na ka jingpynsaphriang.
