Shillong, Risaw 04 : U Symbud Myntri Rangbah ka Jylla Bah Sniawbhalang Dhar ula pyntip ba ki liengsuin kiba heh kin sa lah ban wan hiar ha Shillong Airport hapoh ka arsnem.
U Bah Sniawbha ula iathuh ba ka jingtrei ban pynheh ia ka Shillong Airport kala iaid shaid shaid mynta bad kane ka jinglah wanhiar ki liengsuin kiba heh kan long ka lad ban wanrah shibun ki jingkylla ia ka Meghalaya.
Haba kren ha Nongrah Umroi, u Bah Sniawbha ula ong ba ka Sorkar kala don ia ka plan kaba bun snem ban kyntiew ia ka Kad sha ka lad ban pyniasoh ia ki liengsuin bad kiwei ki ri ka pyrthei.
“Ka kad kumba ka long mynta, ki kam kila iaid shaid haid, ngi la pynjrong ia ka runway. Satang kumba 2 snem eiei, ki liengsuin kiba heh kin sa lah ban wan hiar hangne. Hadien kane phin sa iohi ia ki jingkylla ki ban sa wan ha Meghalaya, ha kaba baroh kin sa ithuh ym tang ha ka kam jngohkai hynrei ha ki kam ialehkai bad kiwei kiwei ki bynta ruh” ula ong.
