Nongpoh, Ïaïong 05: Ki 21 ngut ki Field Assistant ki la pyndep ïa ka jingshah hikai pyntbit ha ka 49th Batch Field Assistant Training Course na ka Conservation of Training Institute Byrnihat hynne ka sngi.
Kine ki samla kila ïoh pdiang ïaki syrnot bad shah pynkup burom haka prokram jong ka Passing out Ceremony bala pynlong da ka tnad Soil and Water Conservation ka sorkar Meghalaya ha auditorium ka CTI Byrnihat.
Ia katei ka jingïalang la pynshongkun da ka jingiadonlang u Marcuise N Marak Myntri ka tnad Soil and Water Conservation, kum u kongsan haka jingdonlang ka kong I Rynjah Director Soil and Water Conservation, M Ch Momin Additional Director, Bah OT Lyngwa Divisional Soil and Water Conservation Officer bad kiwei kiwei ki ophisar nalor ki bahaiing ha sem jong kitei ki samla kiba la dep shah pyntbit.
Napdeng kitei ki 21 ngut, 5 ngut ki dei ki kynthei bad 16 ngut ki dei ki shynrang ha kaba 12 ngut ki dei naka tnad Soil and Water Conservation, Assam, 2 ngut ki dei na Khasi Hills Autonomous District Council, Department of Forest, Shillong, 3 ngut ki dei na Jaintia Hills Autonomous District Council, Department of Forest, Jowai, 4 ngut ki dei na Soil and Water Conservation South Garo Hills Division, Baghmara.
