Shillong, Naitung 04: U President barim ka Jaintia Youth Federation (JYF) Bah Damewanhi L Rymbai hynne ka sngi nyngkong ula pynbna ia ka rai ban mih iakhun ia ka elekshon MLA 2023 ban long ha Jylla napoh ka Khliehriat Constituency.
U Bah Damewanhi uba dei u Nonghikai bad u briew uba ieid ia ka kam rep, ula ong ba kane ka rai ban mih iakhun ia ka elekshon ka long eh ban ioh ai ia ka jingshakri kaba bha, ban wanrah ia ka jingkylla bad ban wanrah ia ka jingtreikam jong ka Sorkar shajan jong u paidbah ka Khliehriat bad ka Jylla baroh kawei.
Ka Khliehriat Constituency ka dei kaba mihkhmat da u ma Kyrmen Shylla, uba bat ia ka shuki Myntri ka Tnad Social Welfare ha kane ka Sorkar MDA.
U Bah Damewanhi ula ong ba ka thong jong u ka long ban pynkylla ia ka Wapung bad ka Khliehriah kum ka Model Village bad Model Torn nalor ban kyntiew ia ka kam rep bad ka iohkam iohjam jong ki samla.
