Khot hajir ki Pulit ia u riewshimet ba pathai khubor lyngba ka Youtube

Date:

Share post:

Shillong, Naitung 04: Ki Pulit ka Nongbah Shillong hynne ka sngi nyngkong, kila khot hajir ia uwei u briew uba ju saphriang ia ki jingtip kum ki khubor lyngba ka Youtube khlem da bud ia ki kyndon ban treikam kum ki lad pathai khubor.

Ia une u briew la tohkit ha Sadar Police Station bad la ai jinghikai ia u halor ka jingteh ka ain halor ka jingpyn saphriang ia ki khubor khlem da ioh ia ka jingithuh na ki bor ba dei khmih, ban bud ia ki kyndon pathai khubor bad kiwei kiwei.

Dang shen, ki paid nongshongshnong ka Jylla kila sakhi ia ka jingmih ki lad pathai khubor bym ithuh ithaw lyngba ki youtube channel, facebook bad instagram ki bym shim la register ialade ha ka ain.

Kum kine ki lad pathai khubor ki dei ia kaban hap husiar bha namar kim dei satia kiba lah ban ioh ia ki jingpyn thikna na ki bor sorkar halor kino kino ki jingjia ba jia ha Jylla bad ka khubor kaba ki pynmih ka dei kaba la leh tang da kaba shu iohsngew pateng ne kaba shu antad kaba lah ban ialam bakla ia u paidbah.

Kila buh ki khep ba kine ki nongpynsaphriang ia ki khubor lyngba ki Youtube, facebook bad Instagram kila ai ia ki khubor kiba bakla bad pynkulmar jingmut ia ki paidbah.

Halor kane, ka Tnad Pulit kala shim ia ka sienjam ban tehlakam ia kine ki jingpynsaphriang khubor jong kine ki riewshimet kum ki lad pathai khubor lyngba ki rynsan social media.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...