Shillong, Naitung 05: Ki Nonghikai Adhoc Kiba don ha ka lama Jong ka FASTOM ka la rai ban weng noh ia ka jingiakhih.
Kine ki nonghikai kila dawa ban pynkiew tulop da T. 18000 bad ka increment ba 5% manla u snem.
“Ngin sa leit iakren bad ka sorkar jong ngi. Ki nongialam kin dang iai shong hangne namar mynta ka sngi ka sorkar ka lah ban khot iakren ia ngi. Ngin iai dawa ia ka increment ba 5%”,ong ki nongialam.
Ka FASTOM ka pyntip ba kan sa leit ban iakren bad u Myntri Rangbah ka jylla ban dawa pynkiew tulop (increment) 5% man la u snem bad ban dawa kyntiew sa mar 2000 tyngka ia ki nonghikai LP khnang ba ka tulop jong ki kan kot sha ka 20000. Kala pynpaw ruh ba ki nonghikai kim pat sngewhun ne sngewkmen iaka jingai jong ka sorkar hynrei ia mynta hi kin pdiang shwa ia kaei kaba ki ioh hynrei ka jingiakhun kam pat kut satia.
