Shillong, Risaw 23: U MDC ba arsien jong ka Jowai Central Awhai Andrew Shullai hynnin ka sngi saitjain, ula pynbna ia ka rai ban iakhun na ka All India Trinamool Congress (AITC) ha ka elekshon MLA 2023 na Jowai Constituency.
U Bah Andrew ula jop ia ka elekshon MDC na ka ticket jong ka Congress.
Haba iakren bad ki nongthoh khubor, u Bah Andrew ula ong ba ula rai ban iakhun na ka AITC hadien ka jingiohi ia shibun ki jingeh ba ki paidbah ki iakynduh khamtam ki longiing baduk ha kine ki sawsnem shiteng.
Shuwa kane, u Bah Andrew ula leit pan ticket na ka United Democratic Party (UDP) hynrei ka UDP West Jaintia Hills District kala phah ia ka kyrteng jong u CEM barim ka JHADC bah Moonlight Pariat kum u kyrtong jong ka party.
