Shillong, Nailur 02: U Myntri Rangbah ka Jylla Conrad Kongkal Sangma hynne ka sngi thohdieng ula pynbna ba kum ka jingrakhe ia ka lyngkhuh sngi kha ba 75 snem jong u Kpa (L) Purno A Sangma, kane ka Sorkar kan pynitynnad biang noh ia baroh ki jingtei ha Jylla bala tei ha ka por jong u (Purno).
Happy to announce that all iconic infrastructures initiated by (L) P A Sangma will be given a facelift to commemorate 75 Years of his Birth Anniversary this year and to honour his many contributions to our State.@PMOIndia pic.twitter.com/0rTIowTHua
— Conrad Sangma (@SangmaConrad) September 2, 2022
U Myntri Rangbah uba don ha Tura ban plie ia ka Commercial Complex-cum-Parking Lot, ula pynpaw ia kane ha ka jingleit jurip ia ka Tura Super Market ba la plie paidbah da u (L) Purno A Sangma naduh u snem 1998.
“Ka Tura Super Market ka dei ka project bala pynwandur (brainchild) da u (L) P A Sangma bad ki briew ka Ri-lum Garo kiba don jingiadei bad u” ong u Conrad.
“Kane ka Iew ba saw mala bala plie arphew snem mynshuwa, ka dei kawei na kiba heh bha ki market complex hapoh ka thain Shatei Lam Mihngi ha katei ka por” ula bynrap.
U Myntri Rangbah ula ong ruh ba kiba bun kila kynthoh ba kum kane ka Iew kam donkam satia ha Tura kaba la khein kum ka sor rit mynshuwa, hynrei “Ka project kala neh bad kylla long ka jingsarong ia ka Ri-lum baroh kawei tad haduh mynta mynne”.
“Kane ka Iew ka dei ia kaban ioh ia ka jingpynkylla dur ne pynitynnad bad ban nang pynheh bad ka Sorkar kan sa pynkhreh shaid shaid ha kaban ai jingmynjur noh ban maramot bad tei biang ia kiba bun ki jingtei ba donkam ha kane ka Complex” ong u Conrad.
U Conrad ula ong baka Sorkar kan sa ithuh noh ruh ia ki matti bapher bapher jong u (L) PA Sangma bad kan sa buh noh ia ka mang tyngka ha kaban pyntreikam ia ki kam ba donkam (pynitynnad ia ki jingtei) ha kylleng ki jaka ka Jylla.
Haba leit iuhkjat ha kane ka Iew, u Myntri Rangbah ula ioh ruh ban iakren bad ki Nongshong dukan bad sngap ruh ia ki jingai jingmut jong ki ia kaei kaba biang tem ban leh ha kane ka Iew.
