Imphal, Risaw 25: Ka United Naga Council (UNC) kum shi bynta ban pdiang burom ia u General Secretary jong ka kynhun National Socialist Council of Nagalim (Isak-Muivah) NSCN-IM u Thuingaleng Muivah, kila pynbna paidbah da ka ‘Genna’— kaba long kum ka jingpakhang shnong ban pdiang burom bad rakhe ha ka 29 tarik u Risaw ha Senapati jong ka jylla Manipur.
Ka UNC ka la bthah ba baroh ki jaka pule bad ki dukan ha kylleng ki jaka ba sah ki Naga ba ki dei ban khang khyrdep.
Ha ka kolshor jong ki Naga, ‘Genna’ ka long kum ka jingpakhang shnong ban pyntikna ia ka jingia shim bynta kaba heh tam ha ka imlang ka sahlang ha ki por ba jia ki jingjia kiba donkam ha ka ri ne ka kolshor. Ha kane ka por, ki dkhot ka jaitbynriew Naga ki ju kiar na ki kam ba man ka sngi bad ban rakhe ia ka jinglong ba iatylli jong ki.
U President ka UNC u N.G. u Lorho, ha ka jingpynbna paidbah ia ka ‘Genna’, u la ong, “Ha ka jingburom ia ki riti dustur jong ngi, ki Naga ha ka jylla Manipur ki pynbna ia ka Genna ha ka sngi jong ka jingpdiang sngewbha bad rakhe paidbah kaba don histori kum ka jingpdiang burom ia u briew ba pawnam bad ba bna nam bha uba dang im, u Muivah, ha Tahamzam (Senapati) ha ka 29 tarik u Risaw.
“Ha kane ka Genna, ngi khot sngewbha ïa baroh ki dkhot jong ka imlang sahlang ban rakhe ïa ki sngi shuti ha baroh ki jaka pule, ban khang ïa ki dukan kum ka dak jong ka jingburom, bad ban kiar na baroh ki kam khaii pateng.Da kaba ia shim bynta lang ryntih kum ka jaitbynriew ban rakhe ia katei ka sngi bad ngin pyni ia ka jinglong ia tylli jong ki Naga,” la ong u heh ka UNC.
Kum u nongialam jong ki Nonagenarian Naga u Muivah, uba dang long ruh kum u Ato Kilonser (Myntri Rangbahduh) ka kynhun Isak-Muivah jong ka National Socialist Council of Nagalim (NSCN-IM), u la poi ha ka Ukhrul District jong ka Manipur, ka jaka ba shong ki Naga, ha ka sngi Balang ha ka 22 tarik u Risaw ban leit jngoh ïa ka shnong ba la kha ia u ha ka shnong Somdal, ha ka sien kaba nyngkong eh hadien 50 snem.
 kum shi bynta ban pdiang burom ia u General Secretary jong ka kynhun National Socialist Council of Nagalim (Isak-Muivah) NSCN-IM u Thuingaleng Muivah, kila pynbna paidbah da ka ‘Genna’— kaba long kum ka jingpakhang shnong ban pdiang burom bad rakhe ha ka 29 tarik u Risaw ha Senapati jong ka jylla Manipur.){kind=link}