Shillong, Naitung 27: Ka Sorkar Jylla hynne ka sngi balang, kala pynbna ia u Bah Donald P Wahlang, Ophisar IAS jong ka batch 1993, ba un shimti kum u Chief Secretary ba thymmai ka Jylla hadien ka jingshongthait noh I Kong Rebecca Suchiang.
Kat kum ka jingpynbna jong ka Tnad Personnel & AR (A), la ong ba u Bah Donald un shimti ia kane ka shuki hadien ka jingshongshait I Kong Rebecca ha ka 31 tarik Naitung 2022.
U Bah DP Wahlang u bat mynta kum u Additional Chief Secretary ka Jylla bad u dei uba khmih ia ka Tnad Education, PHE, Home (Political) & Home (Police) bad kum u Chairman cum Managing Director ka Meghalaya Energy Corporation Limited (MeECL).
La ong ba hadien ka jingshimti kum u Chief Secretary, u Bah Donald un shakri ruh kum u State Vigilance Commissioner (SVC) ka Jylla.
