Shillong, Naiwieng 25: Ka Meghalaya Board of School Education (MBoSE) hynne ka sngi kala pynmih iaka jingpynbna paidbah ban pynlong ia ka eskam Secondary School Leaving Certificate (SSLC) ne ka eksam matric ha ka 10 haduh ka 21 tarik u Rymphang 2025.
U Director Accreditation & Controller of Examinations ka MBoSE u Bah TR. Laloo ula pynbna ba katei ka eksamin kan sdang haka por 10 baje mynstep bad kan kut pat haka por 1 baje mynsngi bad kan sdang haka 10 tarik u Rymphang bad kan kut pat ha ka 21 tarik u Rymphang 2025.
Kane ka eksamin kan sdang da ka sobjek English ha ka 10.02.25, ha ka 12 tarik kan don ka Indian Languages/ Additional English, ha ka 14 tarik kan don ka Health & Physical Education/Computer Science/ Vocational Subjet, ha ka 17 tarik u Rymphang kan don ka Social Science, ha ka 19 tarik kan don ka Science & Technology bad ha ka 21 tarik kan don ka sobjek Mathematics/ Special Mathematics.
Ka MBoSE kala pynbna ruh ba la da don kano kano ka jingjia kaba kyrkieh ne ki jingpynbna kiba kongsan na ka sorkar pdeng bad sorkar jylla kaba iahap bad ki sngi ba don ka eksamin bad lada donkam kan sa pynkynriah noh ia ka tarik ban long eksamin.
 hynne ka sngi kala pynmih iaka jingpynbna paidbah ban pynlong ia ka eskam Secondary School Leaving Certificate (SSLC) ne ka eksam matric ha ka 10 haduh ka 21 tarik u Rymphang 2025.){kind=link}