Nongpoh, Nailur 12: Ka Lynti Jam Football Centre kaba dei ka kynhun jong ka Lyntijam Welfare Development Association, ka pyntip ba kan pynlong biang ïa ka lympung ïalehkai football kaba la tip kum ka Sun Feast Football Cup 2022, ka ban sdang naduh ka 26 tarik u Nailur ha ka madan ïalehkai jong ka Jyntru bad Mawleiñ Mawkhan, Ri Bhoi District.
Haba iakren bad ki Nongthoh Khubor, U Bah Sumarlang Swer, President ka LJWDA, u la pyntip ba ka kynhun kala pynlong ïa ki lympung ïalehkai football kum ka Sun Feast Football Cup ka long eh ban ai rynsan ïa ki khynnah ba dang kham rit rta kumno ba kin ioh ia ka lad ha ka ban pynjanai ïa ka sap ïalehkai football ka jong ki.
U la ïathuh ruh, ba ka Lynti Jam kam shym la lah ban pynlong ïa kane ka lympung ïalehkai mynta la ar snem namar ka jing wan lyngshop ka khlam COVID-19, hynrei ha kane ka kynti, ka kynhun ka la pynkhreh ban pyniphuh iphieng ïa ka Sun Feast Football Cup 2022 ha kaba palat 60 tylli ki kynhun kin wan ban ïa shimbynta.
Ha kane ka Sun Feast Cup, yn pynlong ha ka kyrdan 13 bad 16 snem shapoh na ka bynta ki Shynrang bad 16 snem jong ki kynthei, ha kaba ïa ka jingkhmieh bniah ïa ki rang bad thei ïalehkai (Screening) kan long ha ka 16 bad 17 tarik u Nailur hapoh ka Lyntijam LP Skul kaba don ha Mawtnum.
