Shillong, Naitung 06: U chief executive member (CEM) ka Khasi Hills Autonomous District Council (KHADC) bah Pyniaid Sing Syiem ula pynbna baka Executive Committee (EC) kala rai ban ai bai bam (Scholarship) iaki samla pule lane iaki nongwad bniah (Research Scholar) ki ban wan shakhmat ban wad bniah halor ka jinglong jingman ka jaidbynriew bad ka jingriewspah ka riti dustur.
Haba kren sha ki lad pathai khubor u bah Pyniaid ula iathuh baka EC kan aiti ia kane ka kam sha u Executive Member (EM) badei khmih iaka tnat pule puthi (Education) ban pynkhreh ba kum kiei kita ki jingdonkam ba ki samla pule bad ki nongwad bniah ki donkam ban leh ban ioh ia kane bai bam lane ka Scholarship.
“Ngi don iaka riti dustur, ka synshar khaddar tynrai, ngi don iaki It ki Hima kiba u Syiem Kmie u long u nongpeit nongkhmih bad nongsynshar bad ka don ruh ka bishar, ngi don ruh ki Raid ba khmih da u Sordar bad ki khraw, ngi don ruh ki Shnong ba Synshar da ki Rangbah Shnong” la ong u bah Pyniaid.
U bah Pyniaid ula ong ruh baka jaidbynriew ka don ruh iaka khien kur khien kha bad ka sengkur bala mihkhmat da ki myntri bad lyngba ka bai bam (Scholarship), ka District Council kan pynshlur iaki nongwad bniah bad ki samla pule ba kin wan bniah bad kin pule bniah iaka tynrai jong ka Jaidbynriew.
Ula ong baka thong ban ai bai bam lane Scholarship kadei hi namar ka District Council ka kwah ban pyndonkam iaki kot lane ki kaiphod ba ki nongwad bniah bad ki samla pule ki lap ha ka lynti iaid jongki ban wan bniah shaphang ka jaidbynriew bad ka jingriewspah ka riti dustur.
Pule ruh: Mudui ka GSMC pyrshah ia u MDC ka GHADC ba ieh shiteng ia ka surok PMGSY
 ka Khasi Hills Autonomous District Council (KHADC) bah Pyniaid Sing Syiem ula pynbna baka Executive Committee (EC) kala rai ban ai bai bam (Scholarship) iaki samla pule lane iaki nongwad bniah (Research Scholar) ki ban wan shakhmat ban wad bniah halor ka jinglong jingman ka jaidbynriew bad ka jingriewspah ka riti dustur.){kind=link}