Tura, Naitung 06: U MDC ka Garo Hills Autonomous District Council (GHADC) Akthat Ali sa shisien ula ngat biang ha ka jingshah mudui pyrshah ha ka Garo State Movement Committee (GSMC) kaba kynnoh ba ula ieh shiteng ia ka surok Pradhan Mantri Gram Sadak Yojana (PMGSY).
Ia kane ka jingujor la mudui da ka GSMC Zikzak unit kaba la kynnoh ba u Akthar Ali ula leh kamkai haba pyntrei ia ka surok PMGSY kaba la ai ba un pyntrei hashuwa ba un long kum u MDC.
Kane ka dei ka jingujor kaba ar pyrshah ia une u MDC bad kaba nyngkong ruh ka dei kaba la mudui da uwei u nongshong shnong halor ka jingpynsahteng ban pyndep ia ka surok PMGSY.
Ia kane ka jingujor ba thymmai la phah sha u Deputy Commissioner ka South West Garo Hills kaba kdew ia ka jingbym lah pyndep ia ka surok PMGSY na Mahendragank sha Aningpara, Domapara bad Katuligre kiba hap hapoh South West Garo Hills.
Ka GSMC kala dawa ia u Deputy Commissioner ba un tuklar mar mar bad pynthikna ba dei ban pyndep noh ia kane ka surok.
Pule ruh: Kem ki Pulit ia 2 ngut ki snar nonglute
