-->

Pynbna ka DC ka EKH ia ki prokram bapher bapher ban rakhe ID Day

Date:

Share post:

Shillong, Nailar 11: Ka ophis Deputy Commissioner (DC) ka East Khasi Hills hynne ka sngi kala pynbna ban pynlong iaki prokram bapher bapher kum shibynta ban rakhe iaka jingdap 77 snem ka jingioh laitluid ka ri India.

Ia kine ki prokram la pynbna naka bynta ban pynthikna ba ki paidbah kin ioh rakhe iaka sngi laitluid ka ri India daka jingkmen bad ka jingsngew trai.

Ka Anjalee Cinema Hall kan pyni Phlim ei iaki paidbah naduh 10 baje mynstep haka 15 tarik mynta u bnai bad kane kadei naka bynta ban ailad iaki paidbah ban lehkmen ha kane ka sngi daka ba peit iaki phlim ba ki sngewtynnad.

Ha kane ka sngi rakhe iaka jingioh laitluid ka ri India, ki jaka shangkai pyngad kum ka Ward’s Lake and Phan Nonglait Park kin plie khlem da donkam ban shim pisa bai rung na ki paidbah ban ailad iaki paidbah ban ioh shongkai jah thait.

Kumba ju leh ha u snem ba la dep, ki bor district kila pynbna ban pynim biang iaka ‘Har Ghar Tiranga’ haka ba baroh ki nongshong shnong kin pynher iaka lama India ha man la ki thliew ïing naduh 13 tarik haduh 15 tarik mynta u bnai kum ka jingsngew sarong iaka ri bad ia kito kiba la ialeh ban ioh ka jinglaitluid.

Ka ophis Deputy Commissioner ka pynpaw ba ka jingsngew kmen ba ha kane ka kynti ban rakhe iaka sngi ioh laitluid ka ri India ki paidbah ruh kin rakhe daka jingkmen bad daka jingkynmaw burom ia kito kiba la len ialade naka bynta ban pynioh laitluid iala ka ri.
Ym tang ki bor district hynrei ki paidbah jong ka East Khasi Hills ruh ki pynpaw ka jingsngew kmen ban ioh rakhe iaka sngi ioh laitluid ka ri India.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...