Nongstoiñ, Nailar 11: Ka KSU Mawshynrut Circle ka la ïoh ban bat ïa 4 ngut ki bar jylla kiba thmu ban wan treikam sorkar ha Post office.
Kane ka seng kala pynpaw ba ka jingbat ïa kine ki bar jylla ka long halor ka nongrim ba kyrduh kam ki trai ri trai muluk la ka dei ha ki kam private service ne ha kam sorkar.
U Organising secretary samla Anselm Ryntong bad u Assistant Organising secretary samla Korbar Myrthong kila ong “Ka daw ba kine ki bar jylla kim long ban wan trei sha kane ka thaiñ ka dei namar ba kim nang ban kren ktien Khasi”.
Kum ban shu pynkynmaw ba ka KSU seng kmie ka la ai ïa ka dorkhas sha u Myntri Rangbah ka Jylla ha ka 20 tarik u Naitung 2023 ban pan ïa ka bhah na ka bynta ki Khasi ha ka jingthungkam hapoh ki Post Office.
Ka seng ka kyntu ruh ïa ki sordar shong jong ki shong bapher bapher ba kin phikir bha shwa ba kin ai ïa kino kino ki kot ki sla sha ki bar jylla.
