spot_img

Pynbna iaid paidbah ka HYC ha Ri-Bhoi namar ka jingeh ki paidbah ha Block-II

Date:

Share post:

Nongpoh, Rymphang 15 : Ka Hynniewtrep Youth Council (HYC)-Ri-Bhoi District, kala pynbna ban pynlong ia ka jingiaid paidbah ne ka rally ha Ri-Bhoi, ban pynsngew sha ki bor Sorkar ia ki jingeh jong ki paid Khasi-Pnar kiba sah ha Block-II, ka jaka ba don hapdeng ka jingiakajia pud bad ka Assam.

Kane ka jingia iaid paidbah kan long ha ka 23 tarik Rymphang ha Nongpoh, ong ka kyrwoh na u samla Hercules Suting, President ka HYC Ri-Bhoi District.

Une u nongialam ka HYC ula iathuh ba dang ha ki khyndiat sngi bala lah, ki paidbah ka thain Block-II kila shah thwet ha ki Pulit ka Assam halor ka jingkynnoh ba ki pynpra ia ki jingtei jong ka Assam.

Ka jingthmu jong ka rally ka long ruh ban pynkynmaw ia ka Sorkar halor ka mat iapynbeit pud ba dang sahteng bad ka jing bym lah ka Sorkar Jylla ban shna biang ia ka Iingskul ha Khlieh Umwang, kaba la shah pynpra ha ka Sorkar Assam.

Ka HYC ka wer ia ki Nongialam Shnong, ki Sengbhalang bad ki paidbah ka thain Ri-Bhoi ba kin iasnohkti lang ha kane ka jingiakhih kaba la pynlong na ka bynta ka suk ka sain jongki paid Khasi-Pnar ba sah ha khappud.

 

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...