Shillong, Nailur 03: Namar ka jingdheng kali bym lah pynduh ha ki Polo Point khamtam haka por ba ia beh kam ki briew, ka tnat Shillong Traffic Police (STP) ka thmu ban pynkylla katto katne ka rukom pyniaid kali ha Polo Point.
Kane ka jingpyrshang ba thymmai kan sdang treikam naduh ka 6 tarik mynta u bnai Nailur naduh ka por 7 baje mynstep haduh 9 baje mynmiet.
Ka rukom iaid kali thymmai ha Polo Point, ka long, ym shah shuh ban iakhun kali sha ka phang ka mon na Polo Point naka bynta baroh ki jait kali kiba wanna na lad Furlong bad lad Matri Mandir kiba thmu leit sha lad CRPF bad lad Merin’s Restaurant bad sha kiwei ki jaka.
Ki kali kidei ban khun sha ka diang bad bud beit iaka surok sha Majestic Hotel bad shim kaka lad sha kamon sha lad Oakland Post Office bad ka lad CM’s Bungalow bad noh sha lad Polo Towers bad Polo Point.
