Shillong, Nailur 29: Kum shi bynta jong ka jingkynmaw burom ia ka lyngkhuh sngi iap kaba shiphew jong u nongialam ba pawnam ka jylla u (L) Bah Hoping Stone Lyngdoh, hynne ka sngi Nyngkong u Myntri Rangbah ka jylla u Conrad K. Sangma ula pyllait paidbah ia ka kot “Individual and History: A Biography of Hoping Stone Lyngdoh (1929–2015)” ha ka jingialang kaba la long ha ka iingsah ka jongu hapoh Shillong.
Ia katei ka kot la thoh da u Dr. David Arnold Kharchandy bad ha kane ka kot la thoh shaphang ka jingim, ki kam kiba la leh da u Bah Hoping Stone Lyngdoh, uba long uwei na ki nongialam seng saiñ pyrthei uba ki paidbah ki burom bha.
Une u nongialam udei uba la bna nam bha halor ka jingiengskhem ha ka nongrim, ka jinglong kaba sngewrit bad uba don ia ka jingiadei kaba iajan bha bad ki paidbah. U Bah Hoping Stone Lyngdoh ula ai ia ka jingshakri kaba bha ia ka jylla bad ioh ruh ia ka jingiaroh bad jingphaikhmat na kiba bun balang khamtam ha kaba iadei bad ka jingiai bteng ka jongu ban shakri ia ki paidbah.
U Conrad K. Sangma ula iaroh ia u Dr. Kharchandy uba la trei minot ha kaban lum ia ki jingtip bad ban buh ha ki jingthoh shaphang ka jingim jong une u nongialam uba la iehnoh ia ki kam kiba khraw ha ka bynta jong ka kam saiñ pyrthei bad ia ka imlang sahlang ha ka jylla Meghalaya.
Ula pynpaw ba kane ka ‘Biography’ ym tang ba kan pynneh pynsah ia ki jingsah jingkynmaw bad ia ka jingiohi jngai jong une u nongthawain ka jylla hynrei kan long ruh kum ka jingnoh synniang kaba kongsan sha ka histori jong ka jylla.
Ka kot ka ai ia ka jingbatai da kaba la ngam jylliew bha shaphang ka jingim jong u Hoping Stone Lyngdoh ha ka jingiaid lynti ha ka kam saiñ pyrthei, ki nongrim bad ki bynta kiba iadei bad ka histori ha ka jingai jingshakri ka jongu, kiba la pynmih ia ki jingtip kiba kongsan na ka bynta ki Scholar, samla pule bad ki nongshong shnong.
 Bah Hoping Stone Lyngdoh, hynne ka sngi Nyngkong u Myntri Rangbah ka jylla u Conrad K. Sangma ula pyllait paidbah ia ka kot “Individual and History: A Biography of Hoping Stone Lyngdoh (1929–2015)” ha ka jingialang kaba la long ha ka iingsah ka jongu hapoh Shillong.){kind=link}