Shillong Lber 13: Ka Balang u Khrist ne Church of Jesus Christ, Riatsamthiah hynne ka Lah sngi u Blei, kala pyllait paidbah iaka thup jingrwai kaba la ai kyrteng ka “Jingjop”.
Ia katei ka thup jingrwai la pyllait da u Pastor Iashanboklang Ryntathiang ha ka jingialang kaba la long ha Shillong Press Club.
U Pastor Ryntathiang ula ong, ia katei ka thup jingrwai da ka ktien Khasi la thoh da ki nongialam bad ki dkhot jong ka Balang bad u ngeit skhem ba kine ki jingrwai kin pynpluh ia ka mynsiem jong ki riewngeit ha kaban shakri ia u Blei bad ba kin mad ia ki jingkyrkhu na u Blei.
“La ai kyrteng jingjop, kadei namar ha ka jingiaid lynti, lada mad iaki jingeh ne jingtynjuh ne watla ka thma ka jur katno katno ruh, hynrei haba iaid lynti bad u Blei kin mad beit iaka jingjop” ong u Pastor Rangbah.
Ula iathuh ba ia katei ka thup jingrwai lah ban ioh na Spotify bad Youtube channel jong ka Balang bad ia ka thup jingrwai lah ruh ban ioh na ka ophis treikam jong ka Balang kaba don ha Mawkhar.
