Agartala, Lber 22 :U Myntri ka Tripura uba khmih ia ka tnat Food, Civil Supplies and Consumer Affairs, u Sushanta Chowdhury ula don hapdeng ka jingshah sumar hapoh ka hospital hynnin ka janmiet sngi ba Ar hadien ba u la kem pang kynsan.
U Chowdhury u dang don hapdeng ka kam hapoh Secretariat hadien ba u la kem pang kynsan ha kaba la hap ban pynkit noh ia u mardor shaoh hospital.
Na ka liang u Myntri Rangbah(CM) ka jylla u Manik Saha u la iakynduh ia u Chowdhury hapoh ka hospital bad bniah ha kaba iadei bad ka koit ka khiah ka jong u.Na ka liang u Saha u kitbok ruh ba un ioh noh kloi ia ka jingkoit jingkhiah.
U CM Saha u la leit lyngba ka Twitter ban pynpaw halor kane ka jingleit jngoh ka jong u ia u Sushanta Chowdhury da kaba thoh, “Mynta katba u dang don hapdeng ka kam kumba ju long hapoh Secretariat, u Sushant Chowdhury u Myntri ka sorkar jylla u la kem pang kynsan bad la pynkit noh ia u mardor shapoh hospital.Hadien ba Nga la ioh pdiang ia kane ka khubor Nga la leit jngoh ia u bad tohkit halor ka koit ka khiah ka jong u bad iakren ruh bad u doktor uba aijingsumar.”
