Shillong, Nailur 14: U Myntri Rangbah ka Jylla Conrad K Sangma hynne ka sngi Palei, ula plie paidbah ia ka North East Fruit Wine Incubation Centre (ka jaka ba iarap ia ki nongsengkam ba kin pynwandur bha ia ki kam ba ki seng) ha IHM Campus, Mawdiangdiang.
Ia kane ka jaka la plie ha ka jingiadonlang ka Myntri ka Tnad kam rep Kong Ampareen Lyngdoh bad u Myntri ka Tnad Excise Bah Kyrmen Shylla.
Haba kren ha ka jingialang, u Myntri Rangbah ula ong “Ka jingplie ia kane ka Fruit Wine Incubation ba iasnoh bad ka kam jngohkai bad kam rep, kan iarap bha ha ki por ban wan ha kaban kyntiew ia ki nongsengkam bad ka jingpynkha ia ka iohkam iohkam”.
Ula ong ba ka Centre ka don ia ka lad ka lynti ban plie ia ki jingsengkam ba bun bah kibym pat don ba trei haduh mynta.
“Ngi don ka jingsngeit baka dei ban don ka rukom treikam kaba dei, ka policy kaba dei, ka jingai jingkyrshan kaba dei bad ka lad ka ban plie lynti ia ki nongshna wine nala Jylla ba kin kiew sted hala ka Jylla, ka ban sa plie pat ia shibun ki lad ki lynti kiba don na ka bynta ki paid nongrep jong ngi” ula ong.
Ula ong ruh ba kane ka Incubation Centre kan wanrah ia shibun ki jingkylla ha ka jingim jong ki briew.
