Shillong, Nailar 8 : U Myntri Rangbah ka Jylla Conrad K Sangma hynne ka sngi u la plie ia ka College of Nursing jong ka Dr. H Gordon Robert Hospital Shillong ha ryngkat ka jingdonlang u Myntri ka tnad Pule Puthi Bah Lahkmen Rymbui.
I encourage the institute to raise the standards of education by introducing new traits like learning of foreign languages in order to further the employability skills of the students to bridge the future demands of employment@mansukhmandviya @dpradhanbjp pic.twitter.com/2vweJuHKCq
— Conrad Sangma (@SangmaConrad) August 8, 2022
Haba kren kum u Kongsan, u Myntri Rangbah u la ong ba ka Dr. H Gordon Roberts Hospital ha ki snem ba la dep ka la jop shibun ki jingeh ha ka jingshakri ia ki para briew.
“Na ka School of Nursing kaba don tang arngut ki samla pule mynta pat sha ka College of Nursing, ha kaba ka Hospital, ki nongtrei baroh bad ruh ki bor pyniaid ki la jop ia ki jingeh baroh. Ka long ruh kaba sngewkmen ba ia kane ka College of Nursing la ioh ban plie ha ka jingdap 50 snem jong ka jingioh la ka jong ka jylla,” u la ong.
Shuh shuh u banjur ruh ia ka hospital bad ruh ia ka College of Nursing ban pynmih ia ki nos kiba don shisha ka jingthrang ban shakri ia ki para briew.
“Da ka jingkyrshan bad ka jingialam jong ka Balang Presbyterian, kane ka College kan pynmih ia ki nos kiba lah ym tang ban pyllait im ia ki para briew hynrei ruh ban wanrah ia ka jingkylla ha ka jingim briew,” u la bynrap shuh shuh.
U Myntri Rangbah u ai jingmut ruh ba kum ka College kadei ban pyrshang ruh ban pynrung ia ka ktien Japan ne Thailand ha ka lynnong jong ki khnang ba ha ka jingpule nos kin lah ruh ban nang ia katei ka ktien bad ka kolshor kaba lah pat ba iarap kylla ia ki ha ka lawei ban wan.
U la kular ruh ba kum ka sorkar un kyrshan borbah na ka bynta katei ka hospital bad ka college ha ka jingshakri ia ki para briew bad ia ka imlang sahlang.
