Nongpoh, Naiwieng 19: Ka MDC ka Umsning Constituency Kong Macdalyne S. Mawlong hynne ka sngi saitjain kala plie paidbah ïa ka sem ap kali ki paid Nongshong shnong ka Shnong Sohlaitrim, kaba hap hapoh ka Constituency.
Kane ka sem ap kali ki paidbah (Passenger shed) ka dei kaba la mang naka skhim MDC lyngba ka Special Assistance 2018-2019 ha ka jinglut kaba kot T. 1 lak tyngka.
Kiba la iadonlang ha kane ka sngi ki kynthup iau Rangbah Shnong Bah Shngainkupar Syngkli, ki nongïalam shnong bad ki paidbah nongshong shnong ka Shnong Sohlaitrim.
Kane ka MDC kaba dei ruh ka EM jong ka KHADC, kala pynpaw ba ka jingai ïa katei ka sem ap kali ka long ban pynsuk ïa ki paidbah ba ap kali ha ka leit ka wan bad ka kyrmen shkem ruh ba kane ka sem ap kali kan ai jingmyntoi ïa ki paidbah ban lait na u slap ka sngi haba ki ap kali.
Kane ka MDC kala kyrpad ïa ki paidbah ba ki dei ban sumar bad shim ïa ka jingkitkhlieh ban nym pynjot pynpra ia kane ka jingtei hynrei ban pyndonkam katkum ba la mang bad shna ïa ka ban myntoi ki paidbah.
